Grondslagfase
Graad 1 – 3
Welkom by Vollieland
In Vollieland moet ‘n Grondslagfase kind, lag, werk, waag, veilig voel en sommer net ‘n volbloed-Vollie wees!
In ‘n geborge en veilige omgewing moet elke kind aangemoedig word om die leerervaring met selfvertroue aan te pak, om ‘n eie mening te hê, om sy of haar uniekheid uit te leef.
Ons fokus daarop om deur middel van kleingroep-onderrig elke leerder se akademiese behoeftes aan te spreek, sodat hul volle potensiaal bereik kan word. Individuele ondersteuning word gebied aan leerders wat die werk uitdagend vind. Ons werk is ons trots en ons hanteer ons boeke en hulpmiddele met respek en sorg.
Ouers en opvoeders is vennote in leer en moet mekaar aanvul in belang van ons leerders se ontwikkeling in totaliteit. Ons respekteer die opvoeders se werksetiek en laat hulle toe om hul passie vir hul roeping uit te leef. Ons het ‘n hart vir kinders en sal in elke opsig ons kundigheid gebruik om elke kind holisties te ontwikkel, kognitief, emosioneel en sosiaal.
Raak n Volbloed
Vollie
Ons is trots
Ons moedig kritiese denke, kreatiwiteit, groepvaardighede en goeie, weldeurdagte kommunikasievaardighede aan. Al ons klasse is toegerus met ‘n interaktiewe witbord. Ons bring die beleefwêreld daarbuite, in die klas in deur video’s en Powerpoints. Om konsepte deeglik vas te lê, doen ons baie konkrete werk voor ons oorgaan na skryfwerk in die boeke.
Ons opvoeders is “hands on” met die vordering van elke kind aan hulle toevertrou. Ons prikkel die nuuskierigheid, onderrig die feite, ondersteun die onsekerhede.
‘n Volbloed-Vollie is gedrewe om met trots sy/haar plek in die samelewing vol te staan.
Grondslagfase Vakke
Volgens die Kurrikulum- en Assesseringsbeleidsverklaring (KABV)
vir gr. 1-3 bied die Grondslagfase vyf vakke aan vanaf 2025:
Huistaal Afrikaans
Eerste Addisionele Taal Engels
Wiskunde
Lewensvaar digheid
Coding
Robotika
Luister en praat
Lees en klanke
Skryf en handskrif
Listening and speaking,
Reading & Phonics
Writing and handwriting
Getalle, bewerkings en verwantskappe
Patrone, funksies en algebra
Ruimte en vorm
Meting
Datahantering
Aanvangskennis
Persoonlike en Sosiale Welsyn
Liggaamlike opvoeding
Skeppende Kuns
Inligting sal volg